Fauj e Gham Ki Baraabar

فوجِ غم کی برابر چڑھاۂی ہے

دفاعِ غم تمھاری دہاۂی ہے

عمر کھیلوں میں ہم نے گنواۂی ہے

عمر بھر کی یہی تو کمائی ہے

تم سے ہر دم امیدِ بھلائی

میٹ دیجے جو ہم میں برائی ہے

تم کو عالم کا مالک کیا اس نے

جس کی مملوک ساری خدائی ہے

تو خدا کا ہوا اور خدا تیرا

تیرے قبضے میں ساری خدائی ہے

سب صفاتِ خدا کے ہو تم مظہر

ایک قابو سے باہر خدائی ہے

انبیا کو رسائی ملی تم تک

بس تمہاری خدا تک رسائی ہے

رشکِ سلطان ہے وہ گدا جس نے

تیرے کوچے میں دھونی رَمائی ہے

میرا بیڑا کنارے لگائے پیارے

نوح کی ناو کس نے ترائی ہے

میرے دل کی لگی بھی بجھا دیجے

نارِ نمرود کس نے بجھائی ہے

کاش وہ حشر کے دن کہیں مجھ سے

نارِ دوزخ سے تجھ کو رہائی ہے

پیارے خوشبو تمہارے پسینے کی

خلد کے پھولوں سے بھی سوائی ہے

اس رضا پر ہو مولا رضاِ حق

راہ جس نے تمہاری جلائی ہے

ہیں یہ صدمے تیری ہی فرقت کے

روز افزوں یہ دردِ جدائی ہے

مر رہا ہوں تم آ جاؤ جی اٹھوں

شربتِ دید میری دوائی ہے