Jaan e Bahaaraañ

شاہنشاہِ دو عالم کا کرم ہے

مِرے دل کو میسر اُن کا غم ہے

یہیں رہتے ہیں وہ جانِ بہاراں

یہ دنیا دل کی رشکِ صد اِرم ہے

بھلا دعوے ہیں اُن سے ہمسری کے

سرِ عرشِ بریں جن کا قدم ہے

یہ دربارِ نبی ہے جس کے آگے

نہ جانے عرشِ اعظم کب سے خم ہے

ترس کھاؤ مِری تشنہ لبی پر

مِری پیاس اور اک جام! کم ہے

دلِ بےتاب کو بہلاؤں کیسے

بڑھے گی اور بے تابی ستم ہے

یہاں قابو میں رکھ دل کو اختر

یہ دربارِ شاہِ امم ہے