Mahr e Anwar Ay’riyaañ

عرش پر ہیں اُن کی ہر سُو جلوہ گستر ائڑیاں

گہ بہ شکلِ بدر ہیں گہ مہرِ انور ائڑیاں

مے فدا! کیا خوب ہیں تسکینِ مضطر ائڑیاں

رونتی صورت کو ہنسا دیتی ہیں اکثر ائڑیاں

دافعِ ہر کرب و آفت ہیں وہ یاور ائڑیاں

بندۂ عاصی پہ رحمت بندہ پرور ائڑیاں

غنچۂ اُمّید اُن کی دید کا ہوگا کبھی

پھول کے ہیں اب نظر میں اُن کی خوش‌تر ائڑیاں

نور کے ٹکڑوں پہ اُن کے بدر و اختر بھی فدا

مرحبًا کتنی ہیں پیاری اُن کی دلبر ائڑیاں

یا خدا تا وقتِ رخصت جلوہ افگن ہی رہیں

آسمانِ نور کی وہ شمسِ اظہر ائڑیاں

اُن کی رفعت واہ وا کیا بات اختر دیکھ لو

عرشِ اعظم پر بھی پہنچیں اُن کی برتر ایڑیاں