Makhzan e Anwaar

وَصْف كیا لِکھے كوئى اُس مَحْبِطِ اَنْوَار کا

مَہْر و ماه مَیں جَلْوَہ ہَے جِس چاند سے رُخسار کا

عَرْشِ عَظَم پَرْ فَرَیرا ہَے شاہِ اَبْرار کا

بَجْتا ہَے کَوْنَین مَیں ’ڈَنْکا مِرے سَرْکار کا

دُو جَہاں مَیں بَٹَّتا ہَے بارٰذا اِسی سَرْکار کا

دُونوں عالَم پاتے ہیں صَدْقہ اِسی دَرْبار کا

جاری ہَے آٹھوں پہر، لَنگَر سَخی دَرْبار کا

فَیض پَر ہَرْ دَم ہے دَرْیا اَحْمَدِ مُخْتار کا

رَوضَہ و والاے طَیبہ، مَخزَنِ اَنْوَار ہَے

كیا کہوں عالَم مَیں تُجھ سے جَلْوَہ گاہِ یار کا

دِل ہے كِس کا، جان كِس كِی، سَب كے مالِك ہیں وَہی

دُونوں عالَم پَر ہَے قَبْضَہ اَحْمَدِ مُخْتار کا

کیا کرے سونے کا کشتہ، کشتۂ تیرِ عشق کا

دید کا پیاسا کرے کیا شربتِ دینار کا

فق ہو چہرہ مہر و ماہ کا، ایسے منہ کے سامنے

جس کو قسمت سے ملے بوسہ تیری پیزار کا

لات ماری تم نے دنیا پر، اگر تم چاہتے

سلسلہ سونے کا ہوتا سلسلہ کوہسار کا

مے تیری رحمت کے قرباں اے میرے امن و اماں

کوئی بھی پرساں نہیں ہے مجھ سے بد کردار کا

ہیں معاصی حد سے باہر پھر بھی زاہد غم نہیں

رحمتِ عالم کی امت، بندہ ہوں غفار کا

تو ہے رحمت، بابِ رحمت تیرا دروازہ ہوا

سایۂ فضلِ خدا سایہ تیری دیوار کا

کعبہ و اقصیٰ و عرش و خلد ہیں نوری مگر

ہے نرالا سب سے عالم جلوہ گاہِ یار کا