Back to Collection
Manqabat Hazrat Sibtain Raza
Written by Huzoor Taajush Shariah Allama Mufti Muhammad Akhtar Raza Khan Azhari
Urdu
Complete Ash'aar & Transliteration
Matla to Maqtaچھوڑ کر آپ سارا جہاں چل دیے
اے امینِ شریعت کہاں چل دیے
دے کے ہستی کا اپنی نشاں چل دیے
سب کی منزل جہاں ہے وہاں چل دیے
کیسے ماہِ مبیں بے گماں چل دیے
کتنے زیرِ زمیں آسماں چل دیے
عشقِ سرور میں مر کر امر ہو گئے
اور فنا ہو کے سوئے جناں چل دیے
آگے آگے امینِ شریعت گئے
پیچھے اشکوں کے سیلِ رواں چل دیے
داغِ عشقِ نبی دل میں رکھے رہے
لے کے شمعِ لحد شادماں چل دیے
باغِ احمد رضا کے گُلِ خوش نما
مسکراتے ہوئے گلستاں چل دیے
دیکھنے والو جی بھر کے دیکھو ہمیں
کل نہ رونا کہ اختر میاں چل دیے