Manqabat Huzoor Mufti e Azam Hind

مفتیِ اعظمِ دینِ خیر الورٰی

جلوۂ شانِ عرفانِ احمد رضا

دیدِ احمد رضا ہے تمہیں دیکھنا

ذاتِ احمد رضا کا ہو تم آئینہ

کیا کہوں حق کے ہو کیسے تم مقتدا

مقتدایانِ حق کرتے ہیں اقتدا

اُن کی مدحت کو میں کس سے مانگوں زباں

کیا مقامِ ثریّا بتائے ثرا

احمدِ نوری کے ہیں یہ مظہر تمام

یہ ہیں نوری میاں نوری ہر ہر ادا

نور کی مے پلاتے ہیں یہ روز و شب

جس کو پینا ہو آئے یہ میخانہ وا

ہیں بہت علم والے بھی اور پیر بھی

آنکھوں دیکھا نہ ان سا نہ کانوں سنا

ان کا سایہ سروں پر سلامت رہے

منہ سجھاتے رہے یوں ہی دشمن صدا

ان کے حاسد پہ وہ دیکھو بجلی گری

وہ جلا دیکھ کر وہ جلا وہ جلا

وہ جلیں گے ہمیشہ جو تجھ سے جلے

مر کے بھی دل جلوں کو نہ چین آئے گا

عاشقوں کے جگر ان سے ٹھنڈے رہیں

دشمنوں پر رہیں بن کے شکل قضا

زاد دعوة الناس أجمعين

استجب ربنا يا مجيب الدعاء

اور ہونگے جنہیں تجھ سے لالچ ہو کچھ

تیرے اختر کو کافی ہے تیری رضا