Saba Ye Kaisi Chali Aaj Dasht e Bat’ha Se

صبا یہ کیسی چلی آج دشتِ بطحا سے

امنگِ شوق کی اٹھتی ہے قلبِ مردہ سے

نہ بات مجھ سے گلِ خلد کی کر اے زاہد

کہ میرا دل ہے نگار خار زارِ طیبہ سے

یہ بات مجھ سے میرے دل کی کہہ گیا زاہد

بہارِ خلدِ بریں ہے بہارِ طیبہ سے

یہ کس کے دم سے ملی ہے جہاں کو تابانی

ماہ و نجوم ہیں روشن منارِ طیبہ سے

فدائیوں کو یہ ضد کیا کہ پردہ اٹھ جائے

ہزار جلوے نمایاں حجابِ آقا سے

جو ہے مریضِ محبت یہاں چلے آئیں

صدا یہ آتی ہے سن لو مزارِ مولیٰ سے

کنارہ ہو گیا پیدا اُسی جگہ فوراََ

کبھی جو ہم نے پکارا میانِ دریا سے

نہ فیضِ راہِ محبت میں تو نے کچھ پایا

کنارہ کیوں نہیں کرتا تو اہلِ دنیا سے

پسِ ممات نہ بدنام ہو تیرا اختر

الٰہی اِس کو بچا لینا طعنِ اعدا سے