Tum Se Jo Gurayzaañ He

تم سے جو گریزاں ہے فرزانہ وہ دیوانہ

شیدا جو ہوا تم پر دیوانہ وہ فرزانہ

آ جا دلِ ویراں میں، تیرا ہو یہ کاشانہ

للہ کرم فرما اے جلوۂ جانانہ

آنکھوں سے پلا وہ مے، سرمست رہوں جس سے

بھر دے میرا پیمانہ اے ساقیِ میخانہ

وہ ابرِ بہار آیا ہر شے پہ نکھار آیا

لا جلد میرے ساقی دے ساغر و پیمانہ

کیا رات کے پردے سے چپکے سے سحر نکلی

یا جانِ دل آرا نے زلفوں میں کیا شانہ

بدکار سہی لیکن، بندہ ہوں تیرے در کا

محروم نہ رکھ مجھ کو اے شانِ کریمانہ

یوٙں تھام کے دامن کو مچلا ہے سرِ محشر

دیکھے کوئی اختر کا یہ نازِ غُلَامانہ