Urs e Amjad Ali Me Chale Aa-iye

عرسِ امجد علی میں چلے آئیے

مجْدِ امجد کی سوغات لے جائیے

کس قدر پر کشش ہے یہ رضوی سماں

جلوہ فرما ہیں کیا اعلیٰ حضرت یہاں

بزمِ صدر الشریعہ کی یہ دل کشی

بے خودی دے گئی اور خودی لے گئی

بے خودی میں ہوئے دہر سے بے خبر

بے خودی اپنی ہے دین میں معتبر

گلستاںِ رضا ہے یہاں بے گماں

ہے بہارِ شریعت یہاں بے خزاں

نظم میری وہاں گنگنائی گئی

میں بھی حاضر ہوں یوں غائبانہ سہی

تم کو امجدؔ، رضا سے ملا میکدہ

ایک عالم ہوا بادہ خوارِ رضا

رند تیرے دعا گو رہیں گے سدا

جام پیمانہ بھر دے میرا ساقیا

اپنے اخترؔ پہ بھی ہو کرم کی نظر

اس کے دامن میں بھی ڈالیے کچھ گوہر